Tour de Bali – Family Gathering DTM 2010

July 22, 2010 at 7:07 pm 3 comments

Tour de’BALI

Kamis – Ahad, 1-4 Juli 2010

Acara dua tahunan family gathering DTM jatuh tahun 2010. Pro kontra akhirnya manajemen milih Bali jadi tujuan. Persiapan jauh-jauh harilah, karena berbarengan dengan saat-saat pendaftaran anak sekolah, jadi jangan sampe bentrok, tapi yang perlu dipersiapkan terutama masalah fulus, per kepala dikenakan biaya gope, ane sekeluarga 6 orang berarti 3 jetilah.

3 ato 2 hari sebelum hari H, anak-anak udeh ngepak pakaiannya, 1 koper untuk 2 orang. Hari Kamis 1 Juli berangkat dari rumah jam 08.30, khawatir macet di jalan, jam 10 udeh sampe di bandara padahal janji jam 11.00, mulai dech acara jemu, nunggguuuu…..apalagi anak2. Kloter kedua baru take off nanti jam 13.55, lu bayangin dech tuch jemunye. Jurus pertama kasih bubble gum, alhamdulillah agak tenangan dikit.

Singkat cerita kite2 udeh di dalam pesawat, kursinye acak2an, tukar sana sini akhirnye ngumpul satu keluarga. Landing di bandara Ngurah Rai, koper udeh diurusin kite tinggal naek bis, ngelewatin Kuta, Joger, sampe kite di Aston Hotel, kayaknye sich hotel baru. Setelah istirohat sebentar, bis jemputan nganter kite ke restaurant untuk dinner. Sebagian temen2 udeh nyantap soup. Abis dinner ade satu dua orang yang karaoke-an, menurut ane ini acara kurang menarik, apalagi buat anak2. Abis ini balek ke hotel, jadi acara family gathering DTM cuma ini doang, besoknye pade punya acara sendiri-sendiri. Malemnye ane sempetin ketemu temen2 dari komunitas Suzuki region Bali, ketemu ame Armen kereg Bali, Amin, ade sekitar 10 oranglah.

Vokalis DTM, awas loe...jangan kayak si Ariel !

Nyang ini nyanyi lagu ape yee....lupa ane

 

Jumat, 2 Juli  2010

Hihihi...udeh banyak juga ye uban ane...breakfast full tank

 

Sewa avanza, pas buat sekeluarga doang. Kagak tau mo ke arah mane, kebetulan Prof. Budiarso mo jalan ke arah Ubud, ane ame Nasruddin ngintilan aje, jalan juga hafal bli (sebutan mas dalam bahasa Bali). Sebelum sampai di Ubud, mampir di Monkey Forest, tiket masuk Rp 20.000,-/kepala. Baru beberapa langkah si Fira ketakutan, walhasil cuma photo2 doang sebentar. Dari sini ane berpisah ame Prof. Budiarso. Ane ame Nasruddin ngelanjutin perjalanan ke Ubud, sedapetnye aje nih jalan, ngikutin petunjuk aje. Masuk ke area Ubud, khan yang ade cuma lukisan doang, kagak cocoklah buat anak2.

Monkey Forest....kemane si Fira ? takut ame monkey jadi pegangan ane terus.

 

Waktu masih cukup, perjalanan dilanjutin ke arah barat menuju Tanah Lot dengan harapan bisa ngeliat sunset. Sempet mampir di Mesjid daerah Denpasar, lumayan besar, kayaknye di sini banyak komunitas orang padang pasir alias Arab. Sampai di Tanah Lot sekitar jam 16.00. Tiket + parkir mobil nggak terlalu mahal, lupa ane. Nah pas di sini anak2 baru seneng, maen air, sayangnye nggak bisa mandi di laut. Ane sempet tidur sebentar di atas bebatuan nungguin sunset, pemandangannya luar biasa, indah.  Sayang sekali cuaca berawan jadi nggak bisa ngeliat sunset, terhalang awan.  Sebelum balek dinner dulu di rumah makan Padang, rasanye sich kagak enak, paksain aje dech daripade masuk angin.

Tanah Lot, dari kiri : Hana, Sophia (putri Nasruddin), Fira, Umar, and Muflih

 

Umar & Hana , "Subhanalloh, indah sekali pemandangan di Tanah Lot ini".

Tanah Lot, hihihi...ternyata perut gendut juga

Iman's Family, Tanah Lot - 2 Mei 2010

 Hihihi..salah ketik, bukan 2 Mei, mestinya 2 Juli 2010, sama ame photo di bawah.

Nasruddin's Familiy, Tanah Lot - 2 Juli 2010

 

Nah baleknye dari Tanah Lot bingung begitu masuk Denpasar, ini jalan muter-muter, banyak satu arah, patokan petunjuk jalan aje. Lolos dari Denpasar, begitu masuk Kuta bingung lagi, Aston Hotel nih di sebelah mane ??? Si Nasruddin ngintilan aje dari belakang. Telpon bu Travel, agak emosi juga dikit, die kagak tau kalo orang nyasar khan bawaannye emosi. Tanya polisi, ngaco lage ngasih petunjuknye, huh!!! Ambil hikmahnye dech, jadi tau jalan, persiapan buat touring besok.

Sabtu, 3 Juli 2010

Pagi full breakfast, jam 08.00 target ke Kintamani. Jalurnya gak lewat Denpasar, lewat jalur timur, lebih enak jalannya, mulus, lurus. Sempet nanya sekali ame polisi, kali ini bener die ngasih informasi. Emang agak sempit sedikit jalannye, si Nasruddin buntut avazannye nyenggol truk, untung kagak nyebur ke sawah loe ! Sampelah di Kintamani, pemandangan dari atas lumayan bagus, indah. Kite coba turun ke bawah menuju danau Batur.  Baru buka pintu mobil, tuch orang jualan, tukang parkir merangkap cuci mobil ngerayu macem2, kesel juga ane. Kemane aje diikutin, masa cuci mobil dihargain 40 rebu ! Kalo loe mau ceban tuch loe lapin mobil gue. Ame ibu-ibu nyang tukang jualan ane bilang “Bu…kalo ibu jualan gini caranye, gimane mau datang lagi saya ke sini ! Yang ramah dong kalo jualan !, ibu ini malu-maluin orang Bali yang terkenal ramah. Saya bisa ngajak 100 orang ke sini !” Gw belagak aje dech ! Akhirnye kagak ngikutin lagi orang yang jualan. Mo naek perahu/kapal nyebrangin danau jadi kagak jadi dach, selain itu juga mahalll bli….. Balek aje dach.

Danar Batur - 3 Juli 2010

Danau Batur, 3 Juli 2010

Background G. Agung, 3 Juli 2010

Bukti Kintamani, lagunye siape ye ? cuacanye lumayan sejuk

 

Perjalanan dilanjutin ke Istana Presiden Tampak Siring, sayang sekali kagak bisa masuk, jadi cuma photo2 doang dari pelataran parkiran. Buat anak2 juga kagak menarik.

Istana Kepresidenan Tampaksiring : Umar-Hana-Muflih-Fira-Shopia, 3 Juli 2010

Our Family - Tampaksiring 3 Juli 2010

 

Pintu Utama Istana Kepresidenan Tampaksiring - Bali, 3 Juli 2010

 

OK, target berikutnya kite ke pantai Kuta, semoga bisa dapetin sunset. Di tengah perjalanan nggak sengaja ketemu Pasar Seni Sukawati, mampir dulu dech sekalian cari makan siang nyang halal. Makan ayam bakar, lumayan nich rasanye, cuma cuacanya panas banget jadi gak terasa nikmatnye, justeru pas sholat adem banget. Jadi ane numpang sholat di restaurant halal juga, masuk sedikit ke dalam, emang dari luar nggak keliatan restaurant halalnye soalnye depannye ade gapura hindu, eee…ternyata bisa numpag sholat. Perjalanan dilanjutkan ke arah Kuta, keluar dari Sukawati lumayan lama juga, macet abis. Menjelang Kuta keliatan bener matahari, anak2 seneng, eee…..macet abizzzz bli….kagak begerak nih mobil, tenggelem dach tuch matahari. Mo cari parkiran aje susehnye minta ampun. Udeh gelap juga, tapi biarin aje dech tuch anak2 maen pasir, nyang penting die seneng, si Nasruddin nggak tau parkir di mane. Balek dari Kuta juga sama aje, macet abizzzz. Baru sadar ternyata pantai Kuta tuch kagak jauh-jauh amat dari Hotel. Balek dulu ke hotel mandi. Abis mandi cari makan di carefour, ade KFC. Baleknye mampir di pusat oleh-oleh di jalan by pass, deket hotel.

Pantai Kuta 3 Juli 2010, sayang ya nak....mataharinye udeh tenggelam.

Maen pasir di Pantai Kuta

Malemnye nobar Jerman vs Argentina di lobi, resehhh ! disuruh bayar 25 rebu. Hotel apaan nich ! Berhubung ane udeh di dalem, jadi terpaksa bayar juga. Begitu ane tanya nyong Ambon pak Marcus, kagak bayar die.

Ahad, 4 Juli 2010

Abis breakfast, puas puasin dech berenang di hotel. Balekin mobil, bayar 400 rebu. Mo jalan-jalan lagi juga tanggung waktunye, malah ibu-ibunye pade jalan-jalan. Perasaan baru mulai hafal jalan di Bali, eee…udeh mo balek ke Jakarte.

Photo bareng di depan hotel, 4 Juli 2010, kagak focus...nyang moto siape matanye kemane

Hayoooo...isterinye siape coba tebak ! nyang pake topi suaminye siape hayooo ?

Selama di Bali kayaknye cuma ketemu pak Doni ame Adam doang, keluarganye nggak ikut pak ya ?

Kayak ade kakak ye ? padahal bukan, sama centilnye...

Gimane kalo alis juga ubanan ye ????

Kale ini Sriwijaya ngaco banget, masa 1 kursi ade 2 nomor, ane disuruh pindah, enak aje gw kagak mau...sebelum boarding juga gitu, nama Umar, Muflih, Nasruddin diminta kembali ke counter, bagasinya katanye belom masuk, rese nich...delay lage 1 jam.

 

Buat ane, acara family gathering ini kurang berkesan, masing-masing punya acara sendiri-sendiri. Ketemu pak Raldi aje pas hari terakhir mo pulang, apalagi pak Sunaryo ketemu pas berangkatnye doang. Sekali lagi kite ambil hikmahnye, paling nggak si Fira nanti bisa cerita ke mbahnye, ke kakek and neneknye, ke omnye, ke tantenye, ke temen2nya kalo die udeh pernah naek pesawat.

Terima kasih buat managemen DTM, sampai ketemu lage di family gathering 2012.

Entry filed under: Touring (Ryoko). Tags: .

Seminar Nasional Teknik Mesin Universitas Mataram Part II Lawatan Kedua ke UTHM Johor Malaysia

3 Comments Add your own

  • 1. CAH SURIP (nzr)  |  July 26, 2010 at 3:36 am

    ..ane tungu dah oleh2nyaaa…..

    wkwkw…kl mslh uban mah di pilok aja a’ , kl bisa warna merah, biar ngejrenk…wkwkwk

    Reply
    • 2. imansyah88  |  July 26, 2010 at 6:20 am

      Wah ternyata ente pengunjung setia wasabi yee…arigato arigato arigato ne……
      Ninja ijo ane mo ane lego tuch, mw gak ?

      Reply
  • 3. bali tour service  |  February 2, 2011 at 6:53 am

    the web virtually all of the evening which means I have the inclination to read considerably, which unfortunately isnt generally a good matter as some of the internet resources I visit are composed of worthless crap copied from different internet websites a thousand times, nevertheless I have to give you credit this website is in actual fact readable and seems to have a lot of authentic content, so many thanks for smashing the phenomena of exactly copying other folks’ blogs🙂

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


Calendar

July 2010
M T W T F S S
« Jun   Aug »
 1234
567891011
12131415161718
19202122232425
262728293031  

Most Recent Posts


%d bloggers like this: