Si Panther Ditabrak

May 17, 2009 at 3:45 pm 5 comments

Baru kali ini ane ditabrak, kejadiannya Sabtu 9 Mei 2009 pas balik belanja box container untuk KRI-KRCI 2009 dari pasar Depok lama. Sore itu kira-kira jam 16.30 di depan Dettos sedang macet-macetnye, tau sendiri jl. Margonda kalo Sabtu-Minggu crowded minta ampun deh, mobil di depan ane ngerem mendadak alhamdulillah ane lagi full konsentrasi, ngerem mendadak juga doong, nah barangkali orang di belakang ane kagak sigap, gubrakkk…liat di kaca spion kiri, mobil warna silver moncong kanannye nyium belakang kiri panther ane, kagak jelas mobil apaan, ane minggir ke kiri…..

Tuh mobil ikut minggir juga, wah berarti tanggung jawab  nih orang, ane turun…die juga turun, rambutnye sama udeh ubanan kayak ane, pake celana pendek, kaos warna putih, gimane nih ? ya…anda ganti dong mobil ane, di bengkel ane aje benerinnye, ternyata tuch orang kagak mao, soalnye die udeh ade asuransi, kayak ape sich mobil ane, nih die photonye :

Kaca kiri belakang ancur, body agak melesek dikit....

Kaca kiri belakang ancur, body agak melesek dikit....

Nih orang tampangnye dari daerah Sumatera, tapi ngomongnye kadang kagak nyambung ame ane, akhirnye deal, panther ane akan dibenerin di bengkel rekanan asuransinye die, ane suruh telpon supaya dicariin bengkel di sekitar Depok aje, geblek balckberry nye low-bat…die ngasih kartu nama, Mario namanye, semula nggak ngeduga kalo die orang Philipine, baru tau setelah ane minta KTP, ee dikasih photo copy Limited Stay Permit Card yang dikeluarin ame kantor Imigrasi, kayaknye nih bos KFC. Ane kagak yakin ame nih orang, nggak lama keluar cewek seksi, masya Alloh…nih cewek anaknye ape isterinye ? Tuh cewek ngeyakinin ane kalo die akan bertanggung jawab, die bilang bengkel rekanan asuransinye yang paling deket di daerah Jl. Simatupang, ya udeh bismillah, jaminannye cuma kartu nama ame photocopy KTP tadi. Tapi ane photo dulu mobil die, baru tau ane ternyata mobil tuch masih gress, die kena bemper doang….mobil apaan sich ?

Coba ente tebak dech mobil apaan nich ?panther kena lampu rem, mobil ini kena bemper, berarti tinggi khan mobilnye ? Toyota Fortuner ....

Coba ente tebak dech mobil apaan nich ?panther kena lampu rem, mobil ini kena bemper, berarti tinggi khan mobilnye ? Toyota Fortuner ....

 Nih mobil kalo liat kerusakannya, die cuma kena bemper, panther ane kena lampu rem, ancur….berarti tinggi khan nih mobil, sepintas mirip ame toyota Rush, eee…ternyata abangnye Rush alias Toyota Fortuner. Kite tukar-tukaran nomor hp, die ngasih alamat lengkap kantor ame rumahnye. Kantornye di daerah Cawang, PT Fastfood Indonesia, rumahnye di Tanjung Barat Indah. Ane langsung cabut setelah salaman dulu ame tuch orang, Mario namanye. Kagak langsung balek ke Balairung, pulang dulu mandi, nenangin pikirin, telpon dari panitia robot berdering terus…masa bodo dah  yang penting box udeh ane beliin. Begitu sampe rumah, anak ane si Hana kaget, ayah kok lampu mobilnye pecah ??? eee…ane senyum aje, abis ditabrak ame orang Philipine.  Abis maghrib baru ane balek ke Balairung, itu juga nongkrong aje di parkiran sambil makan sekoteng.

Hari Seninnye ane ditelpon ame stafnye Mario, wah ternyata bener nih orang, namanye Esti. Siangnye datang orang dari asuransi, ane diminta untuk ngisi berita acara kejadian. Ame si Esti ini ane diminta berbohong tentang kejadian tabrakan, nanti dosanye die yang nanggung, gile nih orang ane disuruh bohong, sekalian aje dosa ane yang laen loe yang nanggung…..

Esoknye ane ke bengkel di jl. Simatupang, resehhh…ternyata masih harus nunggu lagi, stock lampunye kagak ade, cuma dicorat-coret doang tuch si panther ame diphoto ulang….yeee…jadi sampae Ahad 17 Mei ini tuch panther nongkrong aje, lagian Sabtunye juga abis dibongkar, master kopling bawahnye jebol, dari siang ampe sore dech ane ngolong mobil, alhamdulillah kelar.

Entry filed under: Isuzu Panther Sporty 97. Tags: .

Unit Jasa Pelayanan Bergerak Pemeliharaan Otomotif DTM UI Pak Engkos Rawat Inap dengan Asuransi Mubarokah

5 Comments Add your own

  • 1. Rahmat  |  May 19, 2009 at 5:53 am

    kok gak minta no telp cewe’nya…..he.he.he
    mungkin si cewe’ yg bikin die kaga konsen.

    Reply
    • 2. imansyah88  |  May 19, 2009 at 11:45 am

      Barangkali iye….gara-gara tuch cewek…astaghfirulloh….

      Reply
  • 3. nazarhidayat  |  February 23, 2012 at 3:32 am

    woaaahh….harga turun dah…. gocap…gocap…. last nego ni a’ ..hehehehee..

    Reply
    • 4. imansyah88  |  February 23, 2012 at 5:53 am

      80 jt kalo lu berani tuch….biarin deh ane naek ninja aje, mao nggak ?

      Reply
      • 5. nazar  |  February 23, 2012 at 3:34 pm

        wadooowwwww…..bahaya ntar ane kena hipnotis ini, buset dahh 80jt, …. 60 aje…heheee

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


Calendar

May 2009
M T W T F S S
« Apr   Jun »
 123
45678910
11121314151617
18192021222324
25262728293031

Most Recent Posts


%d bloggers like this: