Curug Ngumpet – Cibatok

Jumat, 1 Januari 2010

Barangkali sudah fitrahnya bahwa manusia akan selalu dekat air. Ane seneng banget kalo denger suara gemercik air, apalagi anak2 back to nature…Liburan dua tahun lalu touring ke Ciwidey, mandi air panas. Tahun ini dadakan aje ngajak anak2 ame keponakan ke curug (ini bahasa sunda nyang artinye air terjun) pokoknye di daerah sekitar Cibatok Gn. Bunder kaki Gunung Salak itu banyak banget curugnya.

Selasa 29 Desember 2009 pagi-pagi anak2 udeh siap, pokoknye nyang nggak sarapan nggak diajak, nyang cerewet nggak diajak, itu senjata yang ane pake kalo ngurusan anak2 ame keponakan2. Anak ane 4 orang, keponakan 12 orang, adik ane 3 orang ame 1 orang adik ipar, jadi total 22 kepala, alhamdulillah muat tuch di 2 panther.

Jalur ke Cibatok seperti nyang pernah ane tulis di blog ini, lewat Jampang (empang ane) – Bantar Kambing – Cibatok, cuma 57 km, lewat kampung-kampung, bukit-bukit, enak nggak macet. Begitu masuk gerbang obyek wisata gunung Bunder, si petugas udeh nungguin…wah rezeki nih…anak2 kagak diitung, cuma dewasanya doang ada 7 orang, si petugas minta 59 rebu termasuk 2 buah mobil, geblek nich…maen tembak aje, ane tembak lagi…udehlah 50 rebu aje. Buat ente2 pade jangan lupa minta bukti retribusinye. Ane itung2 jumlah rupiah dari retribusi nyang ane terima itu kagak nyampe 50 rebu, sialan…dimakan ame petugas tuch duitnye.

Setelah pilih2, curug yang cocok buat anak2 itu Curug Ngumpet, kira2 pertengahan di kawasan hutan pinus.

Nape disebut Curug Ngumpet ? ane lupa nanya tuch, ntar kalo maen ke sono lagi ane tanya dech...tapi barangkali karena curugnye bersembunyi ? wallohu'alam bishowab

Sebelum masuk ke curug ini, ribut kecil dulu ame petugas nyang pake jaket loreng itu, apalagi kalo bukan masalah retribusi, die langsung tembak aje 3 rebu/orang, diitung ade 16 orang, anak kecil nggak diitung, eit ntar dulu….enak aje loe….mane bukti retrisbusinye ! nyari-nyari dulu tuch, kite disuruh nunggu, tapi anak2 udeh ane suruh jalan duluan ke curug. Ade 3 lembar retribusi : retirbusi tanda masuk obyek wisata 2 rebu untuk hari libur (padahal sekarang bukan hari libur) lembar ini untuk PemKab Bogor, retribusi tand amasuk obyek wisata 5 ratus  perak untuk kelurahan desa Gunung Sari, asuransi jasaraharja 3 ratus perak, kalo dijumlahin kagak nyampe 3 rebu, dasar !….kecil juga korupsi !

Ane cut doeloe, mo ngisi bensin si ijo doeloe…..

Lanjut lagi…sebenarnye udeh ngantuk berat…kagak bisa tidur, bersin2 mlulu….

Ini dia Curug Ngumpet, ketinggiannya sich nggak sampe 50 m, cuma palungnye lumayan dalem...indah khan

 Dari pintu masuk nggak jauh sich untuk sampe ke curug ini, paling cuma 100 m, cuma jalannya coy….naek turun, ini nyang bikin dengkul ngilu, sebenarnye lebih enak nelusuri sungai, cuma banyak bebatuan, agak repot kalo bawa anak2.

Nih bocah2 kagak sabar, dikira enak maen air...ee samui yoooo.....baru sebentar aje udeh pade biru bibirnye

Si Umar ni kalo diphoto slalu bergaya, tapi ini sebenernye die lagi kedinginan

Nggak sampe 1 jam udeh pade kedinginan, nyang ade sekarang kelaperan...untuk banyak bawa amunisi

Si Muflih ini termasuk yang tahan dingin, barangkali karena die lahir saat musim dingin di Nipon....masih sempet2nye nyari batu buat oleh2

dari kiri si "bolang" hilmi, muflih, si bocah "brigil" sayyid, makan sepiring bertiga

Ane ame umar, tingginya hampir sama, tapi kalo nomor sepatu ane kalah, die 42-43

ade ipar ane Muhammad ame si "brigil" sayyid

Kayaknye sejak nikah 95 baru kali ini photo bareng isteri, udeh gemuk banget doi, berarti enakan zaman Soeharto ye...doi masih kurus wakakakaka.....kaburrrr.....

Semua amunisi ludes....cocoklah buat si muflih yang kagak nafsu makan, di curug ini die lahap bener makannye ampe nambah

ini die generasi ke-5 dari dinasti H. Shibi, nyang belom tau H. Shibi....ente kalo dari arah Ps. Minggu ade satu jalan sebelum halte UI, nah itu Jl. H. Shibi, uyut ane.

Subhanalloh....si Umar kurang kerjaan ane tertidur di atas batu diphoto, nyenyak luar biasa....kimochi iiiii.......

Jam 14.00 balek dari curug, terus maen lagi ke hutan pinus, anak2 maen petak umpet, ane mah ngopi aje di warung…..umai ne…….Insya alloh di laen waktu ane mo camping di Cibatok, ade nyang mo barengan nggak ? Balek dari hutan pinus jam 15.00, mampir ke empang dulu mancing….

Pas jam 00.00, mo gintur dulu ahh, besok mesti berangkat pagi2 nganter si “bolang” Hilmi sunat.